حکومت اقلیتاں دے حقوق دے تحفظ ، فلاح تے بہبود کیتے ساری کوششاں کریسی، صدر ڈاکٹر عارف دا اقلیتاں دے قومی ݙینھ دے موقع تے سنیھا

اسلام آباد۔11اگست  (اے پی پی) صدر مملکت ڈاکٹر عارف علوی پاکستان دی ترقی اچ اقلیتاں دی خدمات دی تعریف کریندیں ہوئین آکھیا جو حکومت اقلیتاں دے حقوق دے تحفظ ، فلاح تے بہبود کیتے ساری کوششاں کریسی۔ 11 اگست 2022 کوں اقلیتاں دے قومی ݙینھ تے آپݨے سنیھے اچ انہاں آکھیا جو 11 اگست پاکستان اچ اقلیتاں دے ݙینھ دے طور منایا ویندے تانجو پاکستان دی ترقی اچ اساݙی اقلیتاں دی سانجھ دا اعتراف کیتا ونڄ سڳے۔ انہاں آکھیا جو اے ݙینھ اساکوں بابائے قوم قائداعظم محمد علی جناح دے 1948 اچ کیتے ڳئے اوں وعدے دی یاد ݙویندے جو ایں عظیم قوم دے ہر بندے کوں اوندے مذہبی عقیدے توں ہٹ تے ہکو سویں حقوق اتے آزادی ہوسی۔ اے ݙیکھ تے میکوں خوشی تھیندی اے جو پاکستان اچ اقلیتاں زندگی دے سارے شعبیاں اچ فعال کردار ادا کریندی پئن اتے پاکستان اچ انہاں دے آپݨے مذہب تے عمل کرݨ دا حق دا تحفظ کیتا ڳئے۔