خانیوال اچ 75واں ڈائمنڈ جوبلی یوم آزادی بھرپور ملی جوش و جذبہ نال منایا ویسی

خانیوال۔13اگست (اے پی پی):خانیوال اچ 75واں ڈائمنڈ جوبلی یوم آزادی بھرپور ملی جوش و جذبے نال منایا ویسی تفصیل موجب یوم آزادی دے ݙینھ ڈسٹرکٹ جناح لائبریری دے لان اچ 8وڄ تے 58منٹ تے سائرن وڄائے ویسن،9 وڄے پرچم کشائی تھیسی تے 1 منٹ کیتے احترام اچ ٹریفک رک ویسی ، پولیس تے سکاؤٹس دے چاک و چوبند دستےگارڈ آف آنر پیش کریسن۔ جناح لائبریری ہال اچ یوم آزادی دے حوالے نال سیمینار جݙاں جو پورے ضلع دیاں مسیتاں اچ نماز فجر توں بعد پاکستان دی سلامتی و ترقی اتے قوم دی خوشحالی کیتے خصوصی دعاواں منڳیاں ویسن تے چرچز اچ پریئرز سروسز دا اہتمام کیتا ویسی ۔