کوئٹہ۔14اگست (اے پی پی):14 اگست جشن آزادی دے ݙینھ دے موقع تے قائد اعظم ریزیڈنسی زیارت اچ پرچم کشائی دی شاندار تے پروقار تقریب منعقد کیتی ڳئی ۔تقریب دے مہمان خصوصی ڈپٹی کمشنر زیارت حبیب نصیر ہن ،تقریب اچ فرنٹیئر کور دے کرنل کاشف ،ڈویژنل ڈائریکٹر اختر کھیتران،میجر نوید،ایڈیشنل ڈپٹی کمشنر زیارت سمیع اللہ کاکڑ،ڈسٹرکٹ پولیس افسر شعیب مسعود،اسسٹنٹ کمشنرعلی احمد،ڈی او بختیار کاکڑ،ڈی او فیمیل فرزانہ،سردار قاسم خان سارنگزئی،سعداللہ دوتانی،ملک محمد غو ث پانیزئی شرکت کیتی۔ایں موقع تے ڈپٹی کمشنر زیارت حبیب نصیر پرچم کشائی کیتی،پولیس دے چاق وچوبند دستے ڈپٹی کمشنر زیارت کوں سلامی ݙتی ۔ایں موقع تے ھک شاندار تقریب منعقد کیتی ڳئی تقریب اچ سکول دے طلباءاتے طالبات ملی نغمے،ٹیبلوزاتے تقاریر پیش کیتیاں۔
