راولپنڈی ۔14اگست (اے پی پی):1958اچ شہید تھیوݨ آلے میجر طفیل محمد(نشان حیدر)دے مزار تے پھلاں دی چادر چڑھائی ڳئی ۔آئی ایس پی آر موجب جنرل آفیسر کمانڈنگ 35 ڈویژن میجر جنرل منیر الدین میجر طفیل محمد شہید دے مزار تے پھلاں دی چادر چڑھائی۔ پاک فوج دے چاق و چوبند دستے گارڈ آف آنر پیش کیتا۔ پھلاں دی چادر چڑھاوݨ دی تقریب اچ مختلف شعبہ ہائے زندگی توں تعلق رکھݨ آلے لوکاں، سول و عسکری حکام اتے شہید دے لواحقین شرکت کیتی۔
