حجاج کوں حج سبسڈی سانڳے ݙیݙھ لکھ روپے 17 توں 31 اگست تئیں مل ویسن، وزیر مذہبی امور مفتی عبدالشکور

اسلام آباد۔15اگست(اے پی پی)وزار ت مذہبی امور آکھیے جو حجاج کوں حج سبسڈی سانڳے ݙیݙھ لکھ روپے 17 توں 31 اگست تئیں مل ویسن۔ اسلام آباد اچ پریس کانفرنس کریندے وفاقی وزیر مذہبی امور مفتی عبدالشکور آکھیے جو حج سبسڈی دے تحت 5 ارب 10 کروڑ 73 لکھ 50 ہزار روپے سرکاری سکیم دے 34 ہزار 49 حاجیاں کوں ݙتی ویسی۔ انہاں آکھیا جو حج 2022 بہترین طریقے نال مکیے، وزارت مذہبی امور ٻہوں ڳھٹ ویلھے اچ انتظامات توڑ پچا تے حج انتظامات ممکن کیتن۔ انہاں آکھیا جو روپے دی قدر ڳھٹݨ پاروں سعودی حکومت اتے پاکستان دی معیشت وی اوکھے ہین، لازمی حج اخراجات ست ہزار ریال تئیں تھی چکیے ہن، پہلے اساں حج پیکج دا تخمینہ نوں لکھ اننڄھاہ ہزار لایا ہا ٻھل بعد اچ ایندے اچ کمی کیتی ہئی، ہݨ سارے حجاج کوں سرکاری سکیم دے تحت حج سبسڈی سانڳے ݙیݙھ لکھ روپے 17 توں 31 اگست تئیں مل ویسن۔