پنجاب اچ قومی اسمبلی دے 6حلقیں دے ضمنی انتخابات کیتے مانیٹرنگ ٹیماں تعینات کرݙتن،الیکشن کمیشن

لاہور۔17اگست (اے پی پی):الیکشن کمیشن صوبہ پنجاب اچ قومی اسمبلی دے 6حلقیں اچ تھیوݨ آلے ضمنی انتخابات کیتے مانیٹرنگ ٹیماں تعینات کرݙتن ، ڈسٹرکٹ مانیٹرنگ افسران دی سربراہی اچ اے ٹیماں آپݨے فرائض سرانجام ݙیسن ۔ ترجمان الیکشن کمیشن پنجاب دے مطابق مانیٹرنگ ٹیماں امیدواراں دی انتخابی مہم کوں مانیٹر کریسن تے ضابطہ اخلاق دی خلاف ورزیاں تے فوری ایکشن گھنسن انہاں دا آکھݨ ہئی جو مانیٹرنگ ٹیماں ضابطہ اخلاق تے عملدرآمد کوں یقینی بݨیسن ، ایندی خلاف ورزی کوں کہیں وی صورت نظر انداز نہ کیتا ویسی ایندا ارتکاب کرݨ آلیں کوں قانون دے مطاقب وختی سزا ݙتی ویسی ، ترجمان موجب مانیٹرنگ ٹیماں روزانہ دی بنیاد تے رپورٹ الیکشن کمیشن کوں بھیجیسن ۔