شنگھائی جذبے کوں ودھارا ݙیوݨ کیتے پرعزم اے ، وفاقی وزیر تجارت سید نوید

اسلام آباد۔17اگست (اے پی پی):وفاقی وزیر تجارت سید نوید قمر آکھیے جو پاکستان ایں ڳالھ تے پکا یقین رکھیندے جو ریاستاں دے تعلقات سانجھے احترام، اندرلے معاملات اچ عدم مداخلت اتے اقوام متحدہ دے چارٹر، بین الاقوامی قانون اتے ݙو طرفہ معاہدیں دے اصولاں کوں برقرار رکھیندے ہوئیں مسئلیں دے پر امن حض تے مبنی ہووݨے چاہیدن ، اے ڳالھ انہاں تاشقند اچ شنگھائی تعاون تنظیم دے ݙو ݙینھ وار اکنامک فورم توں خطاب کریندے ہوئیں آکھی ا ،سید نوید قمرآکھیے جو شنگھائی تعاون تنظیم دے ارکان عالمی معیشت دا تقریباً 20 فیصد تے ایندی آبادی دا 40 فیصد ہن۔شنگھائی تعاون تنظیم اچ بین علاقائی تعلقات دے ذریعے رکن ملکاں چنڳی ترقی کیتی اے تاں جو حالی تئیں انہاں صلاحیتاں توں چنڳاں فیدہ نی چاتا ونڄ سڳیا۔ علاقائی تجارت، معیشت، سرمایہ کاری، سائنس تے ٹیکنالوجی، ثقافتی، انسانی ہمدردی اتے ٻئے مواقع رکن ملکاں دے درمیان تعاون کوں نمایاں طور تے مضبوط کرسڳدن۔سید نوید قمر آکھیے جو سرگرمیاں دے مختلف شعبیں اچ کثیر جہتی اثر کوں یقینی بݨیندے ، رکن ملکاں کوں نیڑے گھن آندے تے شنگھائی تعاون تنظیم دے رکن ملکاں وچال سانجھے مفاہمت کوں تکڑا کریندے۔ میکوں اے آکھدے ہوئیں خوشی تھیندی پئی اے جو پاکستان، مکمل رکن دے طور تے الحاق توں بعد ، سیاسی، سکیورٹی، اقتصادی، ثقافتی اتے قانونی شعبیں اچ تعاون کوں ودھارا ݙیوݨ کیتے فعال کردار نبھاوݨ دی خواہش رکھیندے ۔پاکستان شنگھائی تعاون تنظیم اتے ایندے ممبران نال گھاٹے تاریخی اتے ثقافتی رابطے تے مضبوط اقتصادی تے تزویراتی اشتراک اچ شامل اے