ملکی معیشت چنڳی بݨاوݨ کیتے آمدݨ اتے خرچیں اچ توازن ، درآمدات تے انحصار گھٹ ، برآمدات اچ ودھارا کرݨا ہوسی ،وزیر خزانہ مفتاح اسماعیل دا کانفرنس توں خطاب

اسلام آباد۔17اگست (اے پی پی):وزیر خزانہ مفتاح اسماعیل آکھیے جو ملکی معیشت بہتر بݨاوݨ کیتے آمدن اتے خرچیں اچ توازن ، درآمدات تے انحصار گھٹ کرتے برآمدات اچ ودھار کرݨا ہوسی ،بجٹ خسارہ 5200ارب روپے توں گھٹ 4000 ارب روپے تئیں گھن آوݨ دی کوشش کریندے پئن۔اے ڳاھ انہاں ٻدھ کوں ݙو ݙینھ وار لیڈرز سمٹ بزنس کانفرنس دے افتتاحی سیشن توں خطاب کریندے ہوئیں آکھی اے ۔وزیرخزانہ آکھیے جو ملکی معیشت بہتر بݨاوݨ کیتے آمدن تے خرچے اچ تواز پیدا کرݨا ہوسی ۔درآمدات تے انحصار گھٹ کرتے برآمدات کوں ودھاوݨا ہوسی ، انہاں آکھیے جو گزریل حکومت قرضے گھن تے پیدواری صلا حیت ودھاوݨ کیتے خرچ نی کیتے ۔پاکستان ایں ویلھے اتھاں کائنی جتھاں قائد اعظم تے ساݙے وݙیں سوچیا ہئی اساں وچ ٻہوں صلاحیت اے لکین اتنی ترقی نی کرسڳیے جیڑھی جو کرݨی چاہیدی ہی ٻہوں سارے ملک اساں توں اڳوں نکل ڳئن ، اساکوں آُپݨی چادر ݙیکھ تے پیر کھنڈاوݨے چاہیدے ۔ انہاں آکھیے جو نجی شعبے کنے اتنے پیسے کائنی و حکومت دی مدد کرسڳے ایں کیتے قرض گھنݨا پوندے قرض ڳھدن سے لیکن صحیح استعمال نی کیتے ڳئے انہاں آکھیے جو 2013توں 2018 تئیں 11500 میگاواٹ بجلی سسٹم اچ شامل کیتی ڳئی اے ،اساں بجلی دی پیداوار ڈبل کرڳھدی لیکن صنعت دی پیداوار ڈبل نی تھئی ،برامدات وی ڈبل نی تھیا انہاں آکھیے ٹیکس ودھاوݨا ہوسی یا خرچے گھٹ کرݨے ہوسن اساں 80 ارب ڈالر دی درآمدات کریندے پیوں ،استعمال دی ہر چیز درآمد کریندے پیوں ۔