مینہہ اتے سیلاب نال تباہ کاری ملک کیتے وݙا امتحان اے، وفاقی اتے صوبائی حکومتاں کوں رَل تے مدد کرݨٰی چاہیدی اے، وفاقی وزیر اعظم نذیر تارڑ

اسلام آباد۔17اگست (اے پی پی) سینیٹ اچ قائد ایوان تے وفاقی وزیر برائے قانون تے انصاف سینیٹر اعظم نذیر تارڑ آکھیا جو مینہہ اتے سیلاب نال تباہ کاری ملک کیتے وݙا امتحان اے، وفاقی اتے صوبائی حکومتاں کوں رَل تے مدد کرݨٰی چاہیدی اے۔ بدھ کوں سینیٹ دے اجلاس اچ سینیٹر طاہر بزنجو دے نکتہ اعتراض دے جواب اچ قائد ایوان آکھیا جو تقسیم دی سیاست اساݙی بنیاداں کوں نقصان ݙیندی پئی اے۔ ایں ویلھے ملک دے زیادہ تر علاقیاں اش شدید بارشاں اتے سیلاب نال لوک اوکھ اچ ہن۔ پورا ملک ہک آفت دا شکار اے۔ متاثرین دی بحالی کیتے کم کرݨ دی لوڑھ اے۔ وفاقی حکومت صوبائی حکومتاں نال رل تے ݙتے ڳئے پیکیج توں ہٹ تے متاثرین دی مدد کریسی۔