کراچی۔23اگست (اے پی پی):قائم مقام گورنر سندھ آغا سراج درانی آکھیے جو اوکھے ویلھے عوام کوں کلھا نہ چھوڑیسوں ، سارے کمشنرز اتے ڈپٹی کمشنرز متاثرہ لوکاں کوں وختی امداد ݙیون ، اے ڳالھ انہاں ڳڑھی یاسین دے مینھ توں متاثرہ علاقیں دے دورے دے موقع تے آکھی اے ، انہاں مینھ پاروں عوام کوں پیش آندی اوکھ دا جائزہ ڳھدا ، انہاں آکھیے غیر معمولی مینھ پاروں امدادی کماں …
اوکھے ویلھے عوام کوں کلھا نہ چھوڑیسوں ،قائم مقام گونرسندھ
کراچی۔23اگست (اے پی پی):قائم مقام گورنر سندھ آغا سراج درانی آکھیے جو اوکھے ویلھے عوام کوں کلھا نہ چھوڑیسوں ، سارے کمشنرز اتے ڈپٹی کمشنرز متاثرہ لوکاں کوں وختی امداد ݙیون ، اے ڳالھ انہاں ڳڑھی یاسین دے مینھ توں متاثرہ علاقیں دے دورے دے موقع تے آکھی اے ، انہاں مینھ پاروں عوام کوں پیش آندی اوکھ دا جائزہ ڳھدا ، انہاں آکھیے غیر معمولی مینھ پاروں امدادی کماں اچ اوکھ تھیندی پئی اے کیوں جو اڄوکے سال مینھ پاروں معمول توں ودھ اوکھی صورت حال دا سامݨا اے ، عوامی نمائندے عوام دی مدد کرݨ کیتے فیلڈ اچ موجود ہن ، انہاں آکھیے وفاقی حکومت وی این ڈی ایم اے دے ذریعہ مدد کریندی پئی اے ، کیمپاں اچ موجود لوکاں کوں وی پی ڈی ایم اے دے ذریعہ ہرممکن سہولتاں ݙیندے پیوں ،آغا سراج خان درانی آکھیے جو عوام کوں ریلیف ݙیوݨ اچ وسلائی کہیں صورت برداشت نہ کیتی ویسی پاݨی دی نکاسی کیتے کم کریندے پیوں ۔قائم مقام گورنر سندھ آکھیے جو مینھ دے ھک ٻئے سپیل دی پیش گوئی اے۔ انہاں آکھیے چیزاں دی ذخیرہ اندوزی کرݨ آلیں دے خلاف کاروائی کیتی ویسی ۔
