دوحہ۔23اگست(اے پی پی)وزیراعظم محمد شہبازشریف آکھیے جو پاکستان قطر نال روایتی تکڑے سیاسی تعلقات کوں جامع اقتصادی شراکت داری اچ وٹاوݨ چاہندے، ݙوہاں ملکاں وچال ہوا بازی، جہاز رانی، صنعتی و بنیادی ڈھانچہ دی ترقی اتے قابل تجدید توانائی دے شعباں اچ ݙوطرفہ اقتصادی و سرمایہ کاری دے روابط ودھاوݨ دی لوڑھ اے، قطر دے سرمایہ کار پاکستان دی آزادانہ اتے سرمایہ کار دوست پالیسیاں توں فیدہ چیندے ہوئے زراعت، …
قطری سرمایہ کار پاکستان اچ زراعت، لائیو سٹاک، سیاحت اتے ٻئے شعبیاں اچ سرمایہ کاری کرن، وزیراعظم محمد شہباز شریف دی قطر انویسٹمنٹ اتھارٹی دے وفد نال ڳالھ مہاڑ
دوحہ۔23اگست(اے پی پی)وزیراعظم محمد شہبازشریف آکھیے جو پاکستان قطر نال روایتی تکڑے سیاسی تعلقات کوں جامع اقتصادی شراکت داری اچ وٹاوݨ چاہندے، ݙوہاں ملکاں وچال ہوا بازی، جہاز رانی، صنعتی و بنیادی ڈھانچہ دی ترقی اتے قابل تجدید توانائی دے شعباں اچ ݙوطرفہ اقتصادی و سرمایہ کاری دے روابط ودھاوݨ دی لوڑھ اے، قطر دے سرمایہ کار پاکستان دی آزادانہ اتے سرمایہ کار دوست پالیسیاں توں فیدہ چیندے ہوئے زراعت، لائیو سٹاک، سیاحت اتے ٻئے شعبیاں اچ سرمایہ کاری کرن۔ اے ڳالھ انہاں دوحہ اچ قطر انویسٹمنٹ اتھارٹی دے چیف ایگزیکٹو آفیسر منصور بن ابراہیم المحمود اتےر چیف انویسٹمنٹ آفیسر برائے افریقہ و ایشیا پیسیفک ریجنز شیخ فیصل ثانی الثانی نال ملݨ ویلھے آکھی۔ ملاقات اچ کابینہ دے اہم ارکان اتے سینئر حکام وزیراعظم دے نال ہن۔ وزیر اعظم آکھیا جو پاکستان قطر نال اپݨے تکڑے تعلقات کوں ودھ اہمیت ݙیندے، شمسی توانائی، ہوا نال بجلی ٻݨاوݨ، ہوا بازی، جہاز رانی، صنعتی و بنیادی ڈھانچہ دی ترقی اتے مہمان نوازی دے شعباں سودھا بالخصوص قابل تجدید توانائی دے شعبہ اچ ݙوطرفہ اقتصادی و سرمایہ کاری روابط کوں ٻیا تکڑا کرݨ دی لوڑھ اے۔ انہاں قطری سرمایہ کاراں کوں دعوت ݙتی جو او علاقائی رابطے اتے باہمی خوشحالی کیتے چین۔ پاکستان اقتصادی راہداری دے مواقع توں فیدہ چاون، پاکستان قطر انویسٹمنٹ اتھارٹی کوں شفاف اتے تیزی نال معاملات نمٹاوݨ سانڳے مکمل سہولت ݙیسی۔ ملاقات اچ اتفاق تھئے جو ݙوہیں پاسو نامزد نمائندے سرمایہ کاری کیتے اہم تجاویز سانڳے روابط ودھیسن۔ وزیراعظم منصور بن ابراہیم المحمود اتے شیخ فیصل ثانی الثانی کوں دورہ پاکستان دی دعوت ݙتی۔
