وفاقی وزیر منصوبہ بندی، ترقی و اصلاحات احسن اقبال دا سیلاب متاثرین کیتے عطیات دی تقریب نال خطاب

اسلام آباد۔25اگست(اے پی پی)وفاقی وزیر منصوبہ بندی، ترقی و اصلاحات احسن اقبال سیلاب متاثرین کیتے چینی امداد دی تعریف کریدے آکھیے جو پاک چین سنڳت ہر ݙکھ سکھ دی سانڄھی اے۔ اے ڳالھ انہاں سیلاب متاثرین کیتے عطیات کٹھے کرݨ سانڳے تقریب نال خطاب اچ ڳآکھی۔ تقریب اچ چینی سفیر نونگ رانگ وی موجود ہن۔ وفاقی وزیر آکھیا جو پاکستان ڄڳ اچ موسمیاتی تبدیلی توں ودھ متاثرہ ہک ملک اچ جتھاں وݙی ماحولیاتی آلودگی وی ہے، اڄوکے ساوݨ اچ ودھ بارشاں چنتے آلیاں ہین، پاکستان اچ موسمیاتی تبدیلی پاروں گلیشئر پڳھرݨ، زلزلے، سیلاب سا سامݨا اے، سندھ اتے بلوچستان اچ وݙا چھل آئے جئیں مالی و جانی، انفراسٹرکچر دا ضیان کیتے، اے تباہی حیرت ناک اے جئیں بحران دی شکل کݙھ ڳھدی اے۔ انہاں آکھیے جو چین ہمیشہ پاکستان دے ہر ݙکھ سکھ اچ نال رہے، اساں رل تے ایں آفت نال نمٹسوں اتے متاثرین دی بھال کیتی ویسی۔