وفاقی وزیر خزانہ و محصولات مفتاح اسماعیل نال اردن دی شہزادی سارہ زید رعد دی ملاقات

اسلام آباد۔25اگست(اے پی پی)وفاقی وزیر خزانہ و محصولات مفتاح اسماعیل نال ما اتے ٻال دی صحت اتے غذائیت بارے عالمی ادارہ خوراک (ڈبلیو ایف پی) دی خصوصی مشیر اردن دی شہزادی سارہ زید رعد ملین۔ پاکستان اچ ڈبلیو ایف پی دے کنٹری نمائندہ کرس کائے، ڈبلیو ایف پی دے ہیڈ آف نیوٹریشن محمدوف تانے مونے، سیکرٹری خزانہ اتے ٻئے سینئر افسران وی ایں موقع تے موجود ہن۔ وزیر خزانہ پاکستان اچ انسانی ہمدردی سانڳے عالمی ادارہ خوراک دی مسلسل معاونت تے ڈبلیو ایف پی دا شکریہ ادا کریندے آکھیے جو پاکستان دی حکومت عوام دی سماجی ترقی کیتے کئی اصلاحی اقدامات کریندی پئی اے، بے نظیر انکم سپورٹ پروگرام ہک وݙا سماجی فلاح دا پروگرام اے جیندے نال لکھاں لوک فیدہ چیندے پن، ایں پروگرام دے تحت چھل متاثرین دی وی بھال کریندے پئے ہیں۔ انہاں شہزادی نال ما اتے بچے دی صحت سودھا تریمتیں دی ترقی، غذائی سہولیات اتے ٻالاں دی تعلیم دے معاملیاں تے ویا الا۔ شہزادی سارہ زید رعد عزم دوہرایا جو ڈبلیو ایف پی پاکستان اچ مختلف شعباں اچ مدد جاری رکھسی۔