قطر دے بعد سعودی عرب دا وی پاکستان اچ 1 ارب ڈالر سرمایہ کاری دا فیصلہ، بلاول دا خیر مقدم

اسلام آباد۔25اگست(اے پی پی)وزیر خارجہ بلاول بھٹو زرداری اتے سعودی ہم منصب فیصل بن فرحان دا ٹیلی فونک رابطہ تھئے جیندے اچ ݙوطرفہ برادرانہ تعلقات تے الایا ڳئے اتے سعودی عرب پاکستان اچ ہک ارب ڈالر دی سرمایہ کاری دا یقین ݙیوائے۔ اے ڳالھ بلاول بھٹو زرداری ہک ٹویٹ اچ ݙسائی اے جو میں سعودی ہم منصب کوں اڄوکے سیلاب دی بدترین بارے ݙسائے جیندے تے سعودی وزیر خارجہ چنتا کریندے افسوس کیتے اتے پاکستان کوں متاثرین دی ٻھال کیتے ہتھ ونݙاوݨ دا آکھیے۔ ایں توں پہلے قطر وی پاکستان اچ 3 ارب ڈالر دی سرمایہ کاری دا اعلان کیتا ہا جو قطر انویسٹمنٹ اتھارٹی اسلامی جمہوریہ پاکستان اچ 3 ارب ڈالر دی تجارت و سرمایہ کاری کریسی۔