چین دے تعاون نال تیار کیتے ڳئے پاک بحریہ دے ݙوجھے 054 ایلفا فریگیٹ پی این ایس تیمور دی بحری ٻیڑے اچ شمولیت

کراچی۔26اگست (اے پی پی):چین دے تعاون نال تیار کیتے ڳئے پاک بحریہ دے ݙوجھے 054 ایلفا فریگیٹ پی این ایس تیمور دی بحری ٻیڑے اچ شمولیت دی تقریب پاکستان نیوی ڈاکیارڈ اچ منعقد تھئی ۔جاری اعلامیہ موجب تقریب دے مہمان خصوصی چیف آف دی نیول اسٹاف ایڈمرل محمدامجد خان نیازی ہن۔مہمان خصوصی پی این ایس تیمور دی کمانڈ سکرول کمانڈر پاکستان فلیٹ دے حوالے کیتی۔ نیول چیف آکھیے جو بحر ہند دا جیو اسٹریٹجک ماحول اتے پیش آندے خطرات ھک مضبوط اتے طاقتور بحری فوج دے متقاضی ہن ، پی این ایس تیمور ملکی سمندری حدود اتے مفادات دا دفاع مزید موثر بݨاوݨ اچ اہم کردار ادا کریسی ۔اعلامیہ اچ مزید ݙسایا ڳئے جو پی این ایس تیمور جدید ہتھیاراں اتے سینسرز توں لیس کثیر المقاصد جہاز اے۔ایں طرز دے مزید ݙوجہاز تکمیل دے مرحلے اچ ہن جݙاں جو پی این ایس طغرل ہݨے ہی ٻیڑے اچ شامل تھئے ۔