اے سیاست نئیں خدمت دا ویلھا اے، سیلاب متاثرین کوں کلہا نا چھڑیسوں، وزیراعظم شہباز شریف

اسلام آباد۔26اگست(اے پی پی)وزیراعظم محمد شہباز شریف آکھیے جو سیلاب نال پورے ملک اچ سیلاب تباہی مچائی اے اتے وݙے پیمانے تے جانی و مالی اتے انفراسٹرکچر دا ضاین تھئے، اے سیاست نئیں خدمت دا ویلھا اے، سیلاب متاثرین کوں کلہا نا چھڑیسوں۔ سکھر دے دورے ویلھے سیلاب متاثرین نال ملݨ توں بعد میڈیا نال الیندے آکھیے جو سیلاب متاثرہ علاقیاں دا فضائی جائزہ ڳھدے، سیلاب او تباہی مچائی اے جیکوں ݙسایا نئیں ونڄ سڳیا، سیکڑاں انسانی جاناں اتے مالی ڄیان تے افسوس اے، دعا اے جو اللہ لوکاں کوں ایں اوکھ اچوں تیکھے کݙھے، سندھ حکومت متاثرین دی بحالی کیتے ودھ کم کریندی پئی اے، متاثرین دی امداد کیتے ودھا قدامات کیتے ڳین، متاثرین کوں مکانات دا معاوضہ ݙتا ویسی، وفاقی حکومت 10 لکھ فی ٹٻر ݙیسی، صوبائی حکومت وی ہتھ ونفیسی، وفاق 25 ہزار روپے فی گھرانہ بے نظیر انکم سپورٹ پروگرام توں ݙتے ویسن۔