نوشہرہ۔29اگست (اے پی پی):وزیراعظم محمد شہباز شریف آکھیے جو سیلاب متاثرین دی بحالی کیتے وفاقی اتے صوبائی حکومتاں رل تے کریندیاں پئن، متاثرین کوں وختی 25،25 ہزار روپے دی مالی امداد ݙتی ویندی پئی اے ، سنوار کوں اے ڳالھ وزیراعظم نوشہرہ اچ سیلاب دے امدادی کیمپ دا دورہ کریندے ہوئیں آکھی اے ، وزیراعظم کیمپ اچ رہݨ آلیاں تریمتاں تے ٻالاں توں کھاݨے اتے ٻیاں سہولتاں بارے پچھیا ۔ …
سیلاب متاثرین دی بحالی کیتے وفاقی اتے صوبائی حکومتاں رل تے کریندیاں پئن ،وزیراعظم محمد شہباز شریف دا نوشہرہ اچ سیلاب متاثرین دے امدادی کیمپ دا دورہ
نوشہرہ۔29اگست (اے پی پی):وزیراعظم محمد شہباز شریف آکھیے جو سیلاب متاثرین دی بحالی کیتے وفاقی اتے صوبائی حکومتاں رل تے کریندیاں پئن، متاثرین کوں وختی 25،25 ہزار روپے دی مالی امداد ݙتی ویندی پئی اے ، سنوار کوں اے ڳالھ وزیراعظم نوشہرہ اچ سیلاب دے امدادی کیمپ دا دورہ کریندے ہوئیں آکھی اے ، وزیراعظم کیمپ اچ رہݨ آلیاں تریمتاں تے ٻالاں توں کھاݨے اتے ٻیاں سہولتاں بارے پچھیا ۔ ھک تریمت گدے دی عدم فراہمی داشکو ہ کیتاجیں تے وزیراعظم وختی انہاں کوں میٹرس ݙیوݨ دا حکم ݙتا ، وزیراعظم آکھیے جو اساں سارے رل تے متاثرین دی بحالی کیتے کم کریندے پیوں ۔جاں بحق تھیوݨ آلے لوکاں دے لواحقین کوں وفاقی حکومت دی طرفوں 10،10 لکھ روپے دی مالی امداد ݙتی ویندی پئی اے ، انہاں آکھیے انشا اللہ صورتحال وختی بہتر تھی ویسی ، ایں موقع تے وزیراعظم سیلاب متاثرین دی مشکلات مکاوݨ تے ملک کیتے دعا وی کرائی۔
