اسلام آباد۔30اگست (اے پی پی):پاک فضائیہ بلوچستان، سندھ اتے جنوبی پنجاب دے سیلاب توں متاثر تھیوݨ آلے علاقیں اچ جاری ریلیف اتے بحالی دے آپریشن توں علاوہ صوبہ خیبر پختونخوا اچ وی ریسکیو آپریشن کوں ودھا ݙتے ، ترجمان پاک فضائیہ موجب خیبر پختونخوا دے وستی خیشکی اتے نوشہرہ کلاں توں 800 لوکاں کوں ریسکیو کرتے محفوظ جاہ تے منتقل کرݙتا ڳئے ، ایں توں انڄ رسالپور دے فیلڈ کیمپاں …
پاک فضائیہ دے خیبر پختونخوا اچ ریسکیو آپریشن،کھاوݨ پیوݨ دیاں چیزاں وی ݙیندی پئی اے
اسلام آباد۔30اگست (اے پی پی):پاک فضائیہ بلوچستان، سندھ اتے جنوبی پنجاب دے سیلاب توں متاثر تھیوݨ آلے علاقیں اچ جاری ریلیف اتے بحالی دے آپریشن توں علاوہ صوبہ خیبر پختونخوا اچ وی ریسکیو آپریشن کوں ودھا ݙتے ، ترجمان پاک فضائیہ موجب خیبر پختونخوا دے وستی خیشکی اتے نوشہرہ کلاں توں 800 لوکاں کوں ریسکیو کرتے محفوظ جاہ تے منتقل کرݙتا ڳئے ، ایں توں انڄ رسالپور دے فیلڈ کیمپاں اچ 1400 لوکاں کوں رکھیا ڳئے جتھاں انہاں کوں مفت طبی علاج، روٹی ٹکر تے رہائش ݙتی ڳئی اے ۔ وادی نلتر اچ پاک فضائیہ دی طرفوں مفت راشن اتے طبی امدادی کیمپ وی بݨائے ڳئن۔ ایئر مارشل حامد راشد رندھاوا ڈپٹی چیف آف ا یئر سٹاف (ایڈمنسٹریشن) اتے ا یئر وائس مارشل معید خان ڈائریکٹر جنرل ایئر آپریشنز سیلاب توں متاثرہ علاقیں دا فضائی جائزہ ڳھدا۔ ݙوہیں افسراں پی اے ایف دے اہلکاراں دی طرف وں سیلاب توں بچݨ اتے بحالی دیاں سرگرمیاں دا معائنہ کرݨ کیتے فیلڈ کیمپس دا وی دورہ کیتے۔ گزریل 24 گھنٹے اچ انسانی ہمدردی دی بنیاد تے 13960 فوڈ پیکٹ اتے 924 راشن پیک جنہاں اچ بنیادی کھاوݨ پیوݨ دیاں چیزاں ہن، ضرورت مند خانداناں اچ ونڈیے ڳئن ،ایں توں انڄ پی اے ایف دے فیلڈ ہسپتالاں اچ میڈیکل ٹیماں 804 مریضاں کوں مفت علاج اتے دوائیں دیاں سہولتاں ݙتن ۔ پاک فضائیہ دی ایمرجنسی ریسپانس ٹیماں سیلاب توں متاثرہ علاقیں اچ ریسکیو اتے ریلیف دے کماں اچ ودھ چڑھ تے حصہ گھندیاں پئن ۔
