بیجنگ۔30اگست (اے پی پی):چین اچ پاکستان دے سفیر معین الحق چین دی طرفوں پاکستان دے سیلاب متاثرین کیتے وختی امداد ݙیوݨ دی تعریف کیتی اے ،چینی ویب سائٹ چائنا اکنامک نیٹ موجب پاکستانی سفیرآکھیے جو پاکستان دے سارے صوبیں تے علاقیں وچ سیلاب دیاں تباہ کاریاں جاری ہن جیں پاروں ہݨ تئیں ھک ہزار توں ودھ اموات تھی چکئن ،ٻہوں ساریاں وستیاں وھہہ ڳئن جݙاں جو کھڑیاں فصلاں تباہ تھی …
چین دی طرفوں سیلاب متاثرین سانڳے وختی امداد ݙیوݨ قابل قدر اے، پاکستانی سفیر
بیجنگ۔30اگست (اے پی پی):چین اچ پاکستان دے سفیر معین الحق چین دی طرفوں پاکستان دے سیلاب متاثرین کیتے وختی امداد ݙیوݨ دی تعریف کیتی اے ،چینی ویب سائٹ چائنا اکنامک نیٹ موجب پاکستانی سفیرآکھیے جو پاکستان دے سارے صوبیں تے علاقیں وچ سیلاب دیاں تباہ کاریاں جاری ہن جیں پاروں ہݨ تئیں ھک ہزار توں ودھ اموات تھی چکئن ،ٻہوں ساریاں وستیاں وھہہ ڳئن جݙاں جو کھڑیاں فصلاں تباہ تھی ڳئن ، انہاں آکھیے چین ہمیشہ وانڳوں ہر اوکھے ویلھے پاکستان دے رلے کھڑے۔ چین تے ایندیاں تنظیماں دی طرفوں وختی امداد ݙتی ڳئی اے جیڑھا جو قابل قدر اے تے اے صرف پہلا قدم اے۔ انہاں امید ظاہرکیتی جو چین دی طرفوں مستقبل اچ مزیدامداد ݙتی ویسی انہاں آکھیے جو پاکستان اچ ساوݨ دے مینھ تے سیلاب پاروں ہزاراں مال ڈھور مر ڳئن ، ملک اچ صورتحال خراب اے تے نیشنل ڈیزاسٹر مینجمنٹ اتھارٹی (این ڈی ایم اے) دے اندازیں دے مطابق پاکستان اچ 30 ملین توں ودھ لوک متاثر تھئن ، انہاں چینی حکومت دی طرفوں سیلاب متاثرین کیتے امداد ݙیوݨ دے اعلان دی تعریف کریندے ہوئیں شکریہ ادا کیتے تے آکھیے جو سیلاب متاثرین کیتے تنبو تے شیلٹرز دی صورت اچ امداد وختی پاکستان پڄ ویسی ۔ انہاں آکھیے چینی حکومت ، ادارے تے تنظیماں نہ صرف پاکستان نال اظہارِ یکجہتی کیتے سفارتخانے نال رابطہ کریندے پئن بلکہ عطیات ، خشک خوراک اتے دوائیں تے مشتمل ٻئی امداد دی پیشکش وی کیتی اے ۔
