وفاقی وزیر اطلاعات و نشریات مریم اورنگزیب دا سینئر صحافی اسد ملک دی اماں دے انتقال تے ݙکھ تے افسوس

اسلام آباد۔30اگست (اے پی پی) وفاقی وزیر اطلاعات و نشریات مریم اورنگزیب سینئر صحافی اسد ملک دی اماں دے انتقال تے ݙکھ تے افسوس کریندے ہوئیں آکھیے جو انہاں دے انتقال دی خبر سݨ تے ٻہوں ݙکھ تھئے ۔ ماء ھک عظیم ہستی اے ، ماء ھک ایجھا رشتہ اے جیں وچ محبت، شفقت اتے پیار دے سوا کجھ کائنی۔ آپݨے تعزیتی سنھیے اچ وفاقی وزیر مریم اورنگزیب آکھیے جو مرحومہ دا انتقال اسد ملک اتے انہاں دے خاندان کیتے ناقابل تلافی ضیان اے،پسماندگان دے ݙکھ اچ برابر دے شریک ہیسے، اللہ تعالیٰ مرحومہ دی کامل مغفرت اتے لواحقین کوں صبر ݙیوے (آمین)۔