اسلام آباد۔31اگست(اے پی پی)وفاقی وزیر برائے قانون و انصاف سینیٹر اعظم نذیر تارڑ آکھیے جو توہین عدالت کرݨ آلے کوں بغیر سزا نئیں چھوڑیا ونڄ سڳدا، ریاستی مفادات دی خلاف ورزی تے سختی نال نمٹیا ویسی، سارے شہریاں کوں ہکو سواں انصاف ݙیوݨ آئینی لوڑھ اے، عمران خان عدلیہ سودھا کہیں وی ریاستی ادارے کوں نئیں بخشیندے، سابق وزیر خزانہ دی صوبائی وزراء نال ڳالھ مہاڑ دی فرانزک دا فیصلہ …
توہین عدالت کرݨ آلے کوں بغیر سزا نئیں چھوڑیا ونڄ سڳدا، ریاستی مفادات دی خلاف ورزی تے سختی نال نمٹیا ویسی، وفاقی وزیر قانون سینیٹر اعظم نذیر تارڑ دی پریس کانفرنس
اسلام آباد۔31اگست(اے پی پی)وفاقی وزیر برائے قانون و انصاف سینیٹر اعظم نذیر تارڑ آکھیے جو توہین عدالت کرݨ آلے کوں بغیر سزا نئیں چھوڑیا ونڄ سڳدا، ریاستی مفادات دی خلاف ورزی تے سختی نال نمٹیا ویسی، سارے شہریاں کوں ہکو سواں انصاف ݙیوݨ آئینی لوڑھ اے، عمران خان عدلیہ سودھا کہیں وی ریاستی ادارے کوں نئیں بخشیندے، سابق وزیر خزانہ دی صوبائی وزراء نال ڳالھ مہاڑ دی فرانزک دا فیصلہ کیتے۔ پریس کانفرنس اچ انہاں آکھیا جو قانون دی بالادستی کیتے وکلاءا ڳونہا کردار ادا کیتے، قانون سازاں عدالتی نظام اچ رکاوٹ توں بچݨ اتے آئین و قانون دے مطابق فیصلے سانڳے توہین عدالت دا قانون ٻݨائے، ملکی تاریخ اچ پہلے کݙاھیں نی تھیا جو توہین عدالت کرݨ آلے کوں سزا نا ملی ہووے، ہݨ اے تاثر عام اے جو عمران خان لاڈلا اے، اقیں یوسف رضا گیلانی کوں وی سزا ملی، طلال چوہدری، دانیال عزیز اتے نہال ہاشمی کوں توہین عدالت ٻُلی ہئی، ٻیان وی مثالاں موجود ہن۔ انہاں آکھیا جو اعلیٰ عدالتاں دے فیصلے منصفانہ ہووݨے چاہیدن، ہر کہیں کیتے انصاف دا معیار ہکو ہووے۔
