اسلام آباد۔1ستمبر (اے پی پی):وزیراعظم شہبازشریف آکھیے جو سیدعلی گیلانی دا "اساں پاکستانی ہیسے، پاکستان ساݙا اے " دا نعرہ اڄ پوری دنیا اچ گجدا پئے ، اہل پاکستان تے کشمیری عوام سید علی گیلانی دی جدوجہد کوں سلام پیش کریندن ۔ وزیراعظم آفس دے میڈیاونگ توں جاری بیان موجب وزیراعظم آزادی کشمیر دی نشانی سید علی گیلانی کوں پہلے یوم شہادت تے خراج عقیدت پیش کریندے ہوئیں آکھیے جو …
اہل پاکستان تے کشمیری عوام سید علی گیلانی دی جدوجہد کوں سلام پیش کریندن ،وزیراعظم شہبازشریف
اسلام آباد۔1ستمبر (اے پی پی):وزیراعظم شہبازشریف آکھیے جو سیدعلی گیلانی دا “اساں پاکستانی ہیسے، پاکستان ساݙا اے ” دا نعرہ اڄ پوری دنیا اچ گجدا پئے ، اہل پاکستان تے کشمیری عوام سید علی گیلانی دی جدوجہد کوں سلام پیش کریندن ۔ وزیراعظم آفس دے میڈیاونگ توں جاری بیان موجب وزیراعظم آزادی کشمیر دی نشانی سید علی گیلانی کوں پہلے یوم شہادت تے خراج عقیدت پیش کریندے ہوئیں آکھیے جو کشمیریاں دا سید علی گیلانی کیتے بابائے حریت دا خطاب اُنہاں دی تاریخی جدوجہد دا اعتراف اے ۔ مرد آہن سید علی گیلانی دی جدوجہد حریت اتے کشمیر دی آزادی دی تاریخ دا سنہری باب اے ۔ انہاں آکھیے جو سید علی گیلانی ھک فرد نی تحریک تے مشن دا ناں اے جیں دا نعرہ کشمیر بݨسی پاکستان اے ۔ سید علی گیلانی شہید دا جسدخاکی کھس گھنݨ نال کشمیریاں دی آزادی کیتے تڑپ کھسی نی ونڄ سڳدی ۔ وزیراعظم آکھیے اہل پاکستان تے کشمیری سید علی گیلانی کوں سلام پیش کریندن ۔ ’اساں پاکستانی ہیسے، پاکستان ساݙا اے ‘ دا اُنہاں دا نعرہ اڄ پوری دنیا اچ گجدا پئے ۔ انہاں دعا کیتی اللہ تعالی سید علی گیلانی سودھے سارے شہداء کشمیر دے درجات اچے کرے اتے انہاں سارے وابستگان کوں صبرݙیوے۔
