پاک فوج دیاں سیلاب نال نبݨݨ دیاں کوششاں جاری

راولپنڈی -2ستمبر (اے پی پی):ملک دے مختلف حصیں اچ سیلاب توں متاثرہ علاقیں اچ پاک فوج دیاں امدادی سرگرمیاں جاری ہن، لوکاں کوں محفوظ جاہ منتقل کرݨ تے راشن دی ترسیل کیتے 200ہیلی کاپٹر پروازاں چلائیاں ڳئن ۔آئی ایس پی آر موجب گزریل 24 گھنٹے دوران، 1991 اچ پتھے لوکاں کوں کڈھیا ڳئے تے 162.6 ٹن امدادی چیزاں سیلاب توں متاثرہ لوکاں تئیں پڄائی ڳئن۔ ہݨ تئیں 50000 توں ودھ لوکاں کوں آفت زدہ علاقیں توں محفوظ جاہ تے منتقل کیتا ڳئے ۔سیلاب متاثرین کیتے سندھ، جنوبی پنجاب اتے بلوچستان، کے پی کے سیلاب توں متاثرہ علاقیں اچ 147 ریلیف کیمپ 24 گھنٹے کم کریندے پئن ہݨ تئیں 60,000 توں ودھ مریضاں دا علاج کیتا ڳئے مریضاں کوں 5 ݙینھ تئیں مفت دوائیں ݙتیاں ڳئن ۔ ملک اچ 221 فلڈ ریلیف آئٹمز کلیکشن پوائنٹس قائم کیتے ڳئن۔ 1350 ٹن توں ودھ خوراک/دوائیں تے ٻیاں غذائی چیزاں جمع کیتیاں ڳئن