وزیر اعظم دا غذر دے سیلاب متاثرہ علاقیاں دا دورہ، وستی بوبر دی بحالی کیتے 10 کروڑ روپے دا اعلان

گاہکوچ ۔2ستمبر(اے پی پی)وزیر اعظم محمد شہباز شریف گلگت بلتستان دے ضلع غذر دے سیلاب متاثرہ علاقیاں دا دورہ کیتے جتھاں انہاں کوں سیلاب متاثرہ علاقیاں اچ امداد اتے بحالی دے کماں تے بریفنگ ݙتی گئی۔ وزیر اعظم وستی بوبر اچ چھل پاروں مرݨ آلے لوکاں دے ورثا کوں 10،10 لکھ روپے ݙیوݨ دی ہدایت کیتی اتے وستی دی بحالی کیتے 10 کروڑ روپے ݙیوم دا وی اعلان کیتے۔ وزیر اعظم بوبر دی 5 کلومیٹر سڑک کوں پکا کرݨ دی وی ہدایت کیتی۔