وزیراعظم شہبازشریف اڄ اقوام متحدہ دے سیکرٹری جنرل ، بل گیٹس ، ٻہو سارے عالمی رہنماواں نال ملاقاتاں کریسن

نیو یارک۔22ستمبر (اے پی پی):وزیراعظم محمد شہبازشریف اڄ اقوام متحدہ دے سیکرٹری جنرل انتونیو گوتیرس تے مائیکرو سافٹ دے بانی بل گیٹس سودھے ٻہوں سارے عالمی رہنماواں نال ملاقاتاں کریسن ، وزیراعظم پاکستان اچ اڄوکے سیلاب توں تھیوݨ آلی تباہی کوں چاوݨ کیتے اقوام متحدہ سیکرٹریٹ اچ لاتی ڳئی تصویری نمائش دا وی دورہ کریسن ۔ وزیراعظم آفس دے میڈیاونگ توں خمیس کوں جاری بیان موجب اقوام متحدہ دی جنرل اسمبلی دے 77ویں اجلاس دے اعلی سطحی مباحثے دے تریجھے ݙینھ وزیر اعظم محمد شہباز شریف نیویارک اچ سرگرمیاں توں بھرپور ھک ݙینھ گزریسن ۔اقوام متحدہ دے ہیڈکواٹرز روانگی توں پہلے وزیر اعظم محمد شہباز شریف نال بل گیٹس ملاقات کریسن ۔اقوام متحدہ ہیڈ دے کوارٹرز پڄݨ تے وزیر اعظم، اقوام متحدہ دے سیکرٹری جنرل انتونیو گوتیرس نال ملاقات اچ ݙو طرفہ امور تے ڳالھ مہاڑ کریسن ، بعد اچ وزیر اعظم اقوام متحدہ سیکرٹریٹ دی لابی اچ پاکستان مشن دی طرفوں پاکستان اچ اڄوکے سیلاب دی تباہی کوں چاوݨ کیتے لاتی ڳئی تصویری نمائش دا دورہ کریسن ۔ وزیر اعظم ایڈتھ لیڈرر کوں ایسوسی ایٹڈ پریس دے اے پی ٹی وی (Associated Press-AP TV) کیتے انٹرویو ݙیسن۔بعد اچ وزیراعظم، اپݨے جاپانی ہم منصب فومیو کیشیڈا ، بیلجیم دے وزیر اعظم الیگزینڈر ڈی کرو ،اتے ملائشیا دے وزیر اعظم اسماعیل صابری یعقوب دے نال انڄ انڄ ملاقاتاں کریسن ۔