وزیراعظم شہباز شریف جنرل اسمبلی اچ پاکستان دے سیلاب متاثرین دی حالت زار کوں چاوݨ تے امریکی صدر دا شکریہ ادا کیتا

اسلام آباد۔22ستمبر (اے پی پی):وزیراعظم محمد شہباز شریف امریکی صدر جو بائیڈن دی طرفوں اقوام متحدہ دی جنرل اسمبلی اچ خطاب ویلھے پاکستان دے سیلاب متاثرین دی حالت زار کوں چاوݨ تے انہاں دا شکریہ ادا کیتے ۔ خمیس کوں آپݨے ٹویٹ اچ وزیراعظم آکھیے جو میݙے ملک کوں تباہ کن سیلاب دا سامݨا کرݨا پئے ۔ انہاں عالمی برادری تے زور ݙتے جو او ایں صورت حال نال نبݨݨ کیتے آپݨا کردار ادا کرے ۔ وزیراعظم آکھیے جو سیلاب توں متاثر تھیوݨ آلیاں تریمتاں تے ٻالاں کوں درکار مدد تے توجہ ݙیوݨ دی لوڑھ اے ۔