سیلابی صورتحال؛ پورا ڄڳ ساݙے نال تھیوے جو وبائی امراض پھٹݨ دا خطرہ اے، وزیراعظم محمد شہباز شریف دا سیلاب متاثرین سانڳے آن لائن جائزہ اجلاس نال خطاب

نیویارک۔22ستمبر(اے پی پی)وزیراعظم محمد شہباز شریف آکھیے جو سیلابی صورتحال پاروں پورے ڄڳ اتے اداریاں کوں پاکستان نال تھیوݨا ہوسی، کھڑے پاݨی نال وبائی امراض پھٹݨ دا خطرہ اے، لکھاں ٻال خوراک توں محروم ہین، اساں آئی ایم ایف پروگرام دی پوری پاسداری کریسوں، اڄوکے حالات اچ پاکستان کوں معاشی و سیلابی چیلنجز دا مقابلہ کرݨ کیتے ڄڳ دی لوڑھ اے۔ اے ڳالھ انہاں سیلاب متاثرین دی بحالی سانڳے آن لائن جائزہ اجلاس نال خطاب اچ آکھی۔ انہاں آکھیا جو اڄ اڄ ورلڈ بینک دے صدر، آئی ایم ایف دے منیجنگ ڈائریکٹر نال ملیاں اتے تفصیل نال پاکستان اچ سیلاب دی صورتحال ݙسائی اے۔ انہاں آکھیا جو ایں اوکھے ویلھے پوری دنیا، دوست ملک اتے ترقی یافتہ ممالک پاکستان دے نال تھیون، عالمی تنظیماں، ورلڈ بینک اتے ٻئے اداریاں کوں پاکستان دا ہتھ ونفاوݨا ہوسی، جتنا ممکن ہووے ریلیف ملݨا چاہیدے، آئی ایم ایف اتے ورلڈ بینک وی ایں اوکھ اچ پاکستان نال تعاون دا یقین ݙیوائے۔ ایں موقع تے وزیر خزانہ، وزیر برائے موسمیاتی تبدیلی اتے وزیر اطلاعات وی انہاں دے نال ہن۔