اسلام آباد۔25نومبر (اے پی پی) وفاقی وزیر خزانہ تےمحصولات سینیٹر محمد اسحاق ڈار آکھیا جو پاکستان اتے چین وچال برادرانہ تعلقات ہن، ݙوہیں ملکاں وچال اقتصادی شعبیاں اچ تاریخی اتے مضبوط ݙو پاسہ تعلقات ہن۔ اے ڳالھیں انہاں جمعے کوں عوامی جمہوریہ چین دے سفیر رونگ نونگ نال ملاقات اچ آکھی۔ وزیراعظم دے مشیر برائے خزانہ طارق باجوہ، سیکرٹری خزانہ اتے فنانس ڈویژن دے ٻئے سینئر افسر وی ملاقات اچ موجود ہن۔ وزیر خزانہ اتے چینی سفیر ݙوہیں ملکاں وچال اقتصادی اتے مالیاتی شعبیاں اچ ݙوپاسہ تعلقات ودھاوݨ تے ڳالھ کیتی۔ چین دے سفیر اوکھے حالات اچ چینی حکومت ولوں پاکستان نال تعاون دا یقین ݙوایا۔
