اسلام آباد۔25نومبر (اے پی پی) صدر مملکت ڈاکٹر عارف علوی اڄوکے ٹی ٹوئنٹی ورلڈ کپ اچ پاکستان کرکٹ ٹیم دی کارکردگی دی تعریف کریندیں وہئیں آکھیا جو چیلنجز دے باوجود قومی ٹیم ٹورنامنٹ اچ لیڈرشپ دا مظاہرہ کیتے اتے ورلڈ ٹورنامنٹ دے فائنل تئیں پڄن۔ اے ڳالھیں انہاں پاکستان کرکٹ ٹیم دے اعزاز اچ تقریب توں خطاب کریندیں ہوئیں آکھی۔ تقریب اچ آرمی چیف جنرل قمر جاوید باجوہ، چیئرمین پی سی بی رمیز راجہ، پاکستان دے لیجنڈ کرکٹرز اتے غیر ملکی شخصیات شرکت کیتی۔ ایں موقع تے خطاب کریندیں ہوئیں صدرمملکت آکھیا جو ٹیم دے کھݙاریاں جینویں ہرݨ دے باوجود ہک ݙوجھے دا حوصلہ ودھائے او قابل ذکر اے۔ ٹیم دے ودھ کھݙاری نینگر ہن اتے امید اے جو آندے ٹورنامنٹس اچ ٻہوں فتوحات ڳھنسن۔ پاکستانی ٹیم دے کپتان بابر اعظم آکھیا جو اے قوم دی حمایت ہئی جو اتنے وݙے ٹورنامنٹ اچ انہاں دی طاقت ٻݨی۔
