راولپنڈی۔28نومبر(اے پی پی) پاک فوج دے17ویں سربراہ جنرل عاصم منیر اڄ منڳل کوں آپݨے عہدے دا چارج سنبھال گھنسن ، نویں آرمی چیف کیتے کمان دی تبدیلی دی تقریب اچ سبکدوش تھیوݨ آلے آرمی چیف جنرل قمر جاوید باجوہ کمانڈ دی چھڑی نویں آرمی چیف جنرل عاصم منیر کوں ݙیسن ۔ جنرل سید عاصم منیر کمان دی تبدیلی دی تقریب اچ فور اسٹار جنرل دے شولڈر رینکس اتے کالر میڈل لاتے شرکت کریسن ۔ تقریب اچ ساری مسلح افواج دے سربراہان ،اعلیٰ سول، فوجی افسران شریک تھیسن ، پروقار تقریب اچ وفاقی وزراء، سفارتکار اتے صحافی شرکت کریسن ۔ کمانڈ دی چھڑی کوں کمانڈ اسٹک وی آکھیا ویندے ، آرمی کمان دی اے چھڑی انگریزاں دے دور توں فوجی روایت دا حصہ چلی آندی اے ۔ کمانڈ اسٹک 1 اسٹار یعنی بریگیڈیئر دے عہدے دے افسران کوں ݙتی ویندی اے ، اےاسٹک افسران کوں پرانے افسراں دی طرفوں ݙتی ویندی اے ۔ پراݨے افسران آوݨ آلے نویں افسر کوں اے چھڑی ݙتے تے خود نویں چھڑی وٹھی تے نویں عہدے تے ترقی کرویندے تے اے سلسلہ آرمی چیف تے ونڄ تے مک ویندے ۔
