اسلام آباد۔29نومبر (اے پی پی) وزیر مملکت برائے خارجہ امور حنا ربانی کھر ہک ݙینھ دے دورے تے کابل پڄ ڳی۔ دفتر خارجہ دے ترجمان موجب افغانستان دے نائب وزیر اقتصادیات عبدالطیف نظاری اتے کابل اچ پاکستانی سفارت خانے دے ہیڈ آف مشن عبید الرحمان کابل پڄݨ تے وزیر مملکت برائے خارجہ امور دا استقبال کیتا۔ وزیر مملکت برائے خارجہ امور حنا ربانی کھر دورے وچال افغانستان دی عبوری حکومت دے وزیر خارجہ امیر خان متقی نال سیاسی معاملیاں تے مشورہ کریسن۔ ڳالھ مہاڑ اچ تعلیم تجارت اتے سرمایہ کاری شے شعبیاں اچ تعاون، علاقائی رابطے، عوامی رابطے اتے علاقائی سلامتی بارے معاملیاں تے ݙو پاسہ تعلقات تے وی ڳلاھ کیتی ویسی۔
