اسلام آباد۔29نومبر (اے پی پی) صدر مملکت ڈاکٹر عارف علوی آکھیا جو پاکستان حق خودارادیت دی جدو جہد اچ فلسطینیاں نال کھڑا رہسی۔ منگل کوں ایوان صدر دے پریس ونگ موجب صدرمملکت اے ڳالھیں فلسطینی عوام نال یکجہتی دے جڳ ݙیھاڑ دے موقع تے اپݨے سنیھے اچ آکھی۔ انہاں آکھیا جو پاکستان تارٰکی طور فلسطینیاں دی جائز جدوجہد دی حمایت کریندا رہیے تے کریندا رہسی۔ پاکستان بین الاقوامی سطح تے منیا ہوئیا اتے امن معاہدے کیتے مذاکرات تے فلسطینی رضامندی دی حمایت کریندے۔ صدرمملکت آکھیا جو مسلسل اسرائیلی تشدد دا اڄوکا واقعہ ایں سال اگست اچ ݙٹھا ڳیا جݙاں غزہ اچ اسرائیلی بمباری پاروں 17 ٻالاں سودھے تقریباً پنڄاہ فلسطینی جاں بحق اتے ترائے سو توں ودھ زخمی تھیے۔ ڈاکٹر عارف علوی آکھیا جو فلسطینیاں دے خلاف نہ رُکم آلا اسرائیلی تشدد، اسرائیل دا فلسطین تے ناجائز قبضہ ایں تنازعے دی ناقابل تردید حقیقتاں ہن۔ انہاں آکھیا جو پاکستان حق خودارادیت دی جدو جہد اچ فلسطینیاں نال کھڑا رہسی۔
