اقوام متحدہ۔29نومبر(اے پی پی):پاکستان آکھیے جو بھارت اقوام متحدہ دی سلامتی کونسل دی القاعدہ تے پابندیاں متعلق کمیٹی 1267 دے کم کوں سیاسی رنگ ݙیندے ہوئیں کمیٹی دی تحریک طالبان (ٹی ٹی پی) دے دہشت گردوں کوں بلیک لسٹ کرݨ دیاں کوششاں کوں روک ݙتے ۔ اقوام متحدہ اچ پاکستان مشن اچ فرسٹ سیکرٹری جواد اجمل سلامتی کونسل دی 1267کمیٹی اتے پابندیاں دے اقدامات دی نگرانی کرݨ آلی 1988 دیاں پابندیاں دی کمیٹی دے مشترکہ اجلاس اچ آکھیے جو کمیٹی کئی موقع تے رکن ملکاں دی طرفوں ایں حوالے نال ݙتی ڳئی مصدقہ معلومات کوں سامݨے نی رکھیا۔ انہاں آکھیے جو ایں سلسلے اچ اے ڳالھ قابل ذکر اے جو سلامتی کونسل دے ھک غیر مستقل رکن ملک بھارت دہشت گرد حملیں دی منصوبہ بندی تے حمایت اچ ملوث لوکاں دے خلاف ساریاں کوششاں کوں روکݨ کیتے کونسل اچ آپݨی پوزیشن دا استعمال کریندے ہوئیں پابندیاں دے اقدام کوں سیاسی رنگ ݙتےجیڑھا ٹی ٹی پی پاکستان دے خلاف کریندی پئی اے ۔
