پاکستان ریلوے اتے ٹیلی مارکس کنسلٹنگ پرائیویٹ لمیٹڈ دے درمیان ڈیجیٹل نظام انٹرپرائز ریسورس پلاننگ دے نفاذ دے معاہدے تے دستخط، پاکستان ریلوے دے امور دی ادائیگی اچ ھک نویں دور دا آغاز تھی ڳئے ، خواجہ سعد رفیق

اسلام آباد۔29نومبر(اے پی پی):پاکستان ریلوے اتے ٹیلی مارکس کنسلٹنگ پرائیویٹ لمیٹڈ دے درمیان ڈیجیٹل نظام انٹرپرائز ریسورس پلاننگ (ای آر پی) دے نفاذ دے معاہدے تے دستخط کیتے ڳئے ۔ایں موقع تے خطاب کریندے ہوئیں وفاقی وزیر ریلوے خواجہ سعد رفیق آکھیے جو پاکستان ریلوے دے امور دی ادائیگی اچ ھک نویں دور دا آغاز تھی ڳئے ۔ریلوے دے انتظامی و مالی امور کوں ڈیجیٹائز کرݨ دا خواب پورا تھیوݨ کوں اے ۔پاکستان ریلوے کوں مینول توں ڈیجیٹائز کرݨ ٻہوں ضروری ہئی ، ای آر پی دے استعمال نال کم اچ جدت ، شفافیت اتے براہ راست مانیٹرنگ ممکن تھی سڳسی ، مسافراں کوں جدید سہولتاں ݙیوݨ کیتے ایں نظام دی ٻہوں لوڑھ ہئی ۔ای آر پی سسٹمز دے ذریعے نہ صرف وقت دی بچت تھیسی بلکہ وسائل دا ستعمال وی گھٹ ہوسی ۔ایں اقدام دی بدولت پاکستان ریلویز کوں بہتر فیصلہ سازی کرݨ دا موقع ملسی ۔ انہاں آکھیے ریلوے دی آپریشنل کارگردگی اچ بہتری آسی، آمدن و اخراجات دی براہ راست مانیٹرنگ کیتی ونڄ سڳسی تے ہر قسم دے ٹینڈرز شفاف طریقے نال کیتے ونڄ سڳسن ۔ملازمین دے سروس معاملات کوں بہتر انداز اچ پرفارم کیتا ونڄ سڳسی ۔وفاقی وزیر آکھیے جو ریلوے دے ریٹائرڈ ملازمین دے ریکارڈ کوں کمپیوٹرائزڈ کریندے پیوں ، پاکستان ریلویز انفارمیشن ٹیکنالوجی دے استعمال اچ مسلسل ودھارا کریندا پئے۔