اسلام آباد۔29نومبر(اے پی پی):وفاقی وزیر تعلیم و پیشہ ورانہ تربیت رانا تنویر حسین آکھیے جو اساکوں تعلیمی نظام کوں ہنگامی حالات کیتے لچکدار بݨاوݨ دی لوڑھ اے۔ اے ڳالھ انہاں منڳل کوں اسلامک ورلڈ ایجوکیشنل سائنٹیفک اینڈ کلچرل آرگنائزیشن (آئی سی ای ایس سی او) دی طرفوں عالمی تناظر اتے میٹاورس ٹیکنالوجیز دے چیلنجز تے منعقدہ کانفرنس اچ بطور مہمان خصوصی خطاب کریندے ہوئیں آکھی اے ۔ وفاقی وزیر آکھیے اساکوں ترائے وݙے چیلنجز سکول توں ٻاہر ٻالاں کوں سکول گھن آوݨ ، سکھݨ دے عمل کوں بہتر بݨاوݨ تے تعلیمی نظام کوں ہنگامی حالات کیتے لچکدار بݨاوݨ دا سامݨا اے۔ رانا تنویر حسین آکھیے جو موجودہ تباہ کن سیلاب پاکستان کوں پیش وݙے چیلنجز دا پیش خیمہ ہن ۔ انہاں آکھیے اے چیلنجز پاکستان یا ترقی پذیر ملکاں کیتے منفرد کائنی ، اے عالمی ہن۔ پوری دنیا کوں ایں ممکنہ عدم مساوات نال نبݨݨا ہوسی جیڑھا جو انڈسٹری 4.0 اتے نئی فرنٹیئر ٹیکنالوجیز بشمول Metaverse توں آسی ۔رانا تنویر حسین آکھیے جو عالمی سطح تے ‘فرنٹیئر ٹیکنالوجیز’ جہیے روبوٹکس، اے آئی اتے میٹاورس سرمایہ کاری دے وسیع مواقع پیش کریندن ۔ پہلے ہی ایں مارکیٹ دی مالیت 350 بلین امریکی ڈالر اے تے 2025 تئیں اے ودھ تے 3 ٹریلین امریکی ڈالر توں زیادہ تھی سڳدی اے ۔ ساݙے لوک ساݙا اثاثہ ہن تے انہاں کوں تعلیم تے ہنر ݙتا ونڄے تاں انہاں کوں نویں ٹیکنالوجی توں فیدہ چاوݨ دی لوڑھ اے جیڑھا جو پاکستان دی معاشی ترقی دا ٻہوں وݙا انڄݨ ثابت تھی سڳدی اے ۔وفاقی وزیر آکھیے جو نویں ٹیکنالوجیز تعلیم اچ وی مواقع ݙیندی اے ۔
