اسلام آباد۔29نومبر(اے پی پی) وزیراعظم آفس دی ٹیم منڳل کوں وزیراعظم روڈمیپ انیشئٹو تے پیش رفت دا جائزہ گھنݨ دے دوران ایف بی آر اچ خدمات دی فراہمی اتے اصلاحات تے اطمینان دا اظہار کیتے ۔ ایف بی آر دی طرفوں جاری اعلامیہ موجب ٹیم جیں اچ گورننس دے شعبہ دے بین الاقوامی ماہر سر مائیکل باربر شامل ہن ، انہاں ایف بی آر دی طرفوں اصلاحات اچ پیش رفت تے اپݨا اطمینان ظاہر کیتا۔چیئرمین ایف بی آر عاصم احمد سر مائیکل باربر کوں ݙسایا جو ایف بی آر محصولات دے اہداف کوں حاصل کریندا پئے ۔ان لینڈ ریونیو آپریشنز ممبر امجد زبیر ٹوانہ تجارتی سرگرمیاں دی نگرانی اچ ٹیکنالوجی دے استعمال جیہے ٹریک اینڈ ٹریس اتے پی او ایس نظام بارے بریفنگ ݙتی ۔ممبر ایڈمنسٹریشن فضل الٰہی میمن ٹیم کوں ݙسایا جو ایف بی آر سٹریٹجک انیشئٹو دے اہداف دے حصول اچ پرعزم اے۔
