کراچی۔29نومبر(اے پی پی):پاکستان پیپلزپارٹی دے چیئرمین و وزیرخارجہ بلاول بھٹوزرداری آکھیے جو آئین اتے جمہوریت دی حفاظت کیتے پاکستان پیپلز پارٹی ہمیشہ ڈٹ تے کھڑی رہسی ۔ منڳل کوں آپݨے ٹویٹ اچ بلاول بھٹوزرداری آکھیے جو شہید ذوالفقار علی بھٹو ایں ملک کوں پہلا جمہوری آئین ݙتاتے آپݨے منشور تے قائم رہندے ہوئیں طاقت دا سرچشمہ عوام کوں بݨایا ۔بلاول بھٹو زرداری مزید آکھیے جو ایں آئین اتے جمہوریت دی حفاظت کیتے پاکستان پیپلز پارٹی ہمیشہ ڈٹ تے کھڑی رہسی ۔ ھک بئی ٹویٹ اچ بلاول بھٹو زرداری آکھیے جو پاکستان پیپلز پارٹی 55 سال توں پاکستان دے عوام دی ترقی کیتے جدوجہد کیتی اے ۔ انہاں آکھیے جو ان شاءاللہ اڳلے 55 سال وی عوام دے حقوق کیتے اساں جدوجہد کریسوں ۔
