اسلام آباد۔29نومبر (اے پی پی):وزیراعظم شہباز شریف نال سابق صدر آصف علی زرداری ملاقات کیتی جیں اچ ملک دی صورتحال تے ڳالھ مہاڑ کیتی ڳئی ۔ وزیراعظم آفس دے میڈیا ونگ دی طرفوں منگل کوں جاری بیان موجب ݙوہیں قائدین دی ملاقات وزیراعظم ہائوس اچ تھئی اے ۔ ملاقات اچ سیلاب متاثرین دی بحالی اتے سردیاں آوݨ پاروں امدادی عمل دا جائزہ ڳھدا ڳیا ۔ ݙوہیں قائدین سیلاب متاثرین دی بحالی دے عمل کوں مزید تکھا بݨاوݨ تے اتفاق کیتا اتے معاشی بہتری، عوام دے ریلیف اتے ترقیاتی عمل دے حوالے نال امور تے وی ڳالھ مہاڑ کیتی ڳئی ۔
