پاکستان کوں 5 سال اچ سود توں پاک کرسڳدوں ، ملک اچ اسلامی بینکاری 20 توں 21 فیصد تھی چکی اے، وزیر خزانہ اسحاق ڈار دا سود دی حرمت دے حوالے نال سیمینار توں خطاب

اسلام آباد۔30نومبر(اے پی پی):وفاقی وزیر خزانہ اسحاق ڈار آکھیے جو پاکستان کوں 5 سال اچ سود توں پاک کرسڳدوں ، ملک اچ اسلامی بینکاری 20 توں 21 فیصد تھی چکی اے تے اسلامی بینکنگ دے اثاثے 7 ٹریلین روپے دی سطح تے ہن ، اسلامی بینکنگ دی پراڈکٹس کوں سستا کرݨا ہوسی ۔ اے ڳالھ انہاں ٻدھ کوں سود دی حرمت دے حوالے نال کراچی اچ تھیوݨ آلے سیمینار توں خطاب کریندے ہوئیں آکھی اے ۔ وزیر خزانہ اسحاق ڈار آکھیے جو دنیا اچ کوشش کیتی ویندی پئی اے جو ہر شخص کوں بینکاری نظام نال منسلک کیتا ونڄے ، بینکاری دا نظام زندگی دی ضرورت بݨ چکے تے بینکاری نظام دے ذریعے شفاف لین دین کوں یقینی بݨایا ونڄ سڳدے ۔ انہاں آکھیے جو حکومت ملک توں سودی نظام دے خاتمے کیتے پرعزم اے شرعی عدالت دے حرم سود متعلق فیصلے دا خیر مقدم کریندوں ، اسلامی بینکاری نظام دے حوالے نال اڄ اساں اتھاں کھڑوں جتھاں2018 اچ کھڑے ہاسے، جے اساں خلوص نیت نال صرف اللہ دی رضا کیتے فیصلہ کروں تاں 5 سالاں اچ ملک توں سود دا خاتمہ تھی سڳدے