اساکوں اڄ دے ݙینھ ایڈز نال جڑی بدنامی مکاوݨ دا عہد کرݨا چاہیدے، وزیراعظم شہباز شریف

اسلام آباد۔1دسمبر (اے پی پی) وزیراعظم محمد شہباز شریف آکھیا جو اساکوں اڄ دے ݙینھ ایڈز نال جڑی بدنامی مکاوݨ دا عہد کرݨا چاہیدے۔ خمیس کوں ایڈز دے جڳ ݙیھاڑ بارے اپݨے ٹویٹ اچ وزیراعظم آکھیا جو ٻالاں اتے ڳھٹ عمر دے لوکاں اچ ایڈز دے ودھدے ہوئے کیسز باعث تشویش ہن۔ وزیراعظم وزارت صحت تے زور ݙتا جو او ایڈز دی ٹیسٹنگ، ایں بارے آگاہی ݙیوݨ اتے روکݨ تے توجہ ݙیوے۔