اسلام آباد۔1دسمبر (اے پی پی) صدر مملکت ڈاکٹر عارف علوی چین دے سابق صدر جیانگ ژیمن دے انتقال تے عوامی جمہوریہ چین دی قیادت اتے عوام نال تعزیت کیتی اے۔ خمیس کوں ایوان صدر دے پریس ونگ توں جاری تعزیتی بیان اچ صدرمملکت آکھیا جو چین دے سابق صدر جیانگ ژیمن ہک ممتاز مدبر ہن جنہاں مسلسل اقتصادی اصلاحات دے ذریعے چین کوں تکھی رفتار ترقی دی راہ تے ٹوریے اتے ملک اچ معیار زندگی بلند کیتے۔ ڈاکٹر عارف علوی آکھیا جو سابق چینی صدر جیانگ ژیمن دی بصیرت پاکستان اتے چین وچال دوستی اتے عوام وچال تعلقات کوں ٻیا ودھاوݨ اچ اہم کردار ادا کیتے۔ صدرمملکت آکھیا جو ݙکھ ویلھے اساں چین نال ہیسے۔
