خصوصی لوکاں دے حقوق دا تحفظ ، انہاں کوں معاشرے دا فعال رکن بݨاوݨ اساں ساریں دی سانجھی ذمے واری اے، بیگم ثمینہ عارف علوی

اسلام آباد۔3دسمبر(اے پی پی):خاتون اول بیگم ثمینہ عارف علوی خصوصی لوکاں دے جگ ݙیھاڑ دے موقع تے آپݨے خصوصی پیغام اچ آکھیے جو پوری دنیا اچ ھک ارب لوک کہیں نہ کہیں قسم دی ذہنی یا جسمانی معذوری دا شکار ہن۔ خصوصی لوک معذور کائنی بلکہ اساں توں تھوڑا مختلف صلاحیتاں دے حامل ہوندن ۔ ہفتہ کوں ایوان صدر میڈیا ونگ توں جاری بیان اچ خاتون اول بیگم ثمینہ عارف علوی آکھیے جو خصوصی افراد عام انساناں وانڳوں ٻہوں ساری صلاحتیاں دے مالک ہوندن ۔ انہاں آکھیے خصوصی لوکاں دا خصوصی احساس کروں تاں کوئی وی شخص معذوری دی وجہ توں پچھوں نہ رہ ونڄے ۔خاتون اول آکھیے جو خصوصی لوکاں دے حقوق دا تحفظ اتے انہاں کوں معاشرے دا فعال رکن بݨاوݨ اساں ساریں دی سانجھی ذمے واری اے ۔ انہاں کاروباری برادری توں گزارش کیتی جو او خصوصی لوکاں کوں انہاں دیاں مہارتاں تے انہاں دے کوٹے دے اعتبار نال نوکریاں ݙیوے ۔