ترقی پذیر ملکاں کوں قرضاں اچ سوکھ دی لوڑھ اے، حکومت غریب ترین ضلعیاں کیتے 40 ارب روپے رکھین، احسن اقبال

اسلام آباد۔5دسمبر(اے پی پی)وفاقی وزیر منصوبہ بندی، ترقی، اصلاحات و خصوصی اقدامات احسن اقبال آکھیے جو ترقی پذیر ملکاں کوں قرضاں اچ سوکھ دی لوڑھ اے، حکومت غریب ترین ضلعیاں کیتے 40 ارب روپے رکھین، وزارت ترقی و منصوبہ بندی اچ ایس ڈی جیز یونٹ ٻݨایا ڳئے، پاکستان اچ چھل نال ضیان 46 ارب 40 کروڑ ڈالر تئیں پڄ ڳین جیندے نال غربت اچ 3.7 فیصد توں 4 فیصد ودھارا تھئے اتے 91 لکھ لوک غربت دا شکار تھین۔ اے ڳالھ انہاں ادارہ برائے پائیدار ترقی کانفرنس نال خطاب کریندے آکھی جو پاکستان کوں سیلاب دے بعد کئی چیلنج ہین، سارے سارک ملکاں کوں بہتر معیار زندگی دے چیلنجز ہین جتھاں موسمیاتی تبدیلیاں ٻہوں خطرناک ہین، ایں سانڳے عالمی برادری کوں متوجہ تھیوݨا چاہیدے، عالمی امدادی ادارے سارک ملکاں کوں 30 توں 35 سال دے وݙے قرضے ݙیون جو موسمیاتی تبدیلیاں نال نمٹنے کیتے طویل المدتی فنڈز اتے اقدامات دی لوڑھ اے۔