اسلام آباد۔7دسمبر(اے پی پی)وفاقی وزیر توانائی خرم دستگیر خان آکھیے جو حکومت بجلی دی پیداوار ودھاوݨ، عوام کوں سستی و ماحول دوست بجلی ݙیوݨ کتیے کم کریندی پئی اے۔ انہاں اے ڳالھ ضلع لیہ دی تحصیل چوبارہ اچ زینفا سولر پاور پلانٹ منصوبے دی افتتاحی تقریب نال خطاب اچ آکھی۔ منصوبے نال ہک سو میگاواٹ سولر بجلی درآمدی ایندھن دی ڄاہ ڳھنسی اتے سالانہ 30 ملین ڈالر زرمبادلہ بچسی۔ منصوبے نال سستی و صاف بجلی عوام کوں ملسی اتے جنوبی پنجاب اچ نویاں سو نوکریاں نکلسن۔ منصوبے دا لیٹر آف انٹینٹ پنجاب حکومت 2015 اچ جاری کیتا ہا۔ منصوبے توں ٻݨݨ آلی بجلی فی یونٹ 9 روپے ملسی۔ منصوبے دے تحت صاف ماحول سانڳے 5 ہزار پھلدار درخت وی لائے گین۔
