اسلام آباد۔7دسمبر(اے پی پی)صدر مملکت ڈاکٹر عارف علوی پاکستان اتے اومان وچال ݙوطرفہ تجارتی حجم اچ ودھارے کیتے رل تے کم کرݨ دی لوڑھ تے زور ݙیندے آکھیے جو ݙوہیں ملکاں دے تاجراں اتے سرمایہ کاراں وچال تعاون ودھاوݨا ہوسی۔اے ڳالھ انہاں اومان دے سبکدوش سفیر الشیخ ڈاکٹر محمد عمر احمد المرحون نال ملݨ ویلھے آکھی۔ صدر مملکت آکھیا جو اومان نال تجارت و سرمایہ کاری سودھا مختلف شعبیاں اچ ڳانݙھا ٻیا تکڑا کیتا ویسی، مشترکہ تاریخ، ثقافتی ورثے، اقدار، عقیدے، روایات اتے جغرافیے نال جڑیے تعلقات تکڑے کریسوں۔ انہاں تجارت دا حجم ودھاوݨ، پاکستان تے اومان وچال فیری سروس چلاوݨ دے مواقع تے زور ݙتا۔ انہاں پاک اومان تعلقات سانڳے سبکدوش سفیر دی خدمات دی تعریف کیتین۔
