راولپنڈی۔15دسمبر(اے پی پی)آرمی چیف جنرل سید عاصم منیر نال امریکی سینٹکام دے کمانڈر جنرل مائیکل ایرک کوریلا ملین۔ پاک فوج دے شعبہ تعلقات عامہ آئی ایس پی آر دے مطابق جنرل عاصم منیر کمانڈر امریکی سینٹ کام جنرل ایرک کوریلا دا جی ایچ کیو پڄݨ تے استقبال کیتے۔ کمانڈر امریکی سینٹ کام یادگار شہدا تے پھل چڑھائن۔ ملاقات اچ علاقائی استحکام، سکیورٹی صورتحال، دفاع اتے سکیورٹی دے شعباں اچ تعاون تے غور کیتا ڳئے۔ ݙوہاں ملکاں دی افواج باہمی تعاون تے وی الایا۔ آئی ایس پی آر موجب ملاقات اچ ݙوہاں ملکاں وچال وفود دی سطح تے وی مذاکرات تھین۔ سینٹکام کمانڈر دہشت گردی دے خلاف جنگ اچ پاکستان دی کامیابیاں، سیلاب اچ امدادی سرگرمیاں اتے علاقائی امن کیتے پاکستان دے کردار دی تعریف کیتی۔
