اقوام متحدہ۔18اپریل(اے پی پی) اقوام متحدہ اچ پاکستان دے مستقل مندوب منیر اکرم آکھیے ماحولیاتی تبدیلیاں پاکستان دے زرعی شعبے کوں تباہ کن انداز اچ متاثر کریندیاں پئن ،جیں توں خوراک اچ خودکفیل ملک اچ غذائی قلت پیدا تھیندی پئی اے ۔ پاکستانی مندوب اقوام متحدہ دے ادارہ فوڈ اینڈ ایگریکلچر آرگنائزیشن(ایف اے او) دی طرفوں ترقی کیتے غذائی بحراناں توں بچݨ تے خوراک دے نظام دی تبدیلی کوں …
ماحولیاتی تبدیلیاں پاکستان دے زرعی شعبے کوں تباہ کن انداز اچ متاثر کریندیاں پئن ، منیر اکرم
اقوام متحدہ۔18اپریل(اے پی پی) اقوام متحدہ اچ پاکستان دے مستقل مندوب منیر اکرم آکھیے ماحولیاتی تبدیلیاں پاکستان دے زرعی شعبے کوں تباہ کن انداز اچ متاثر کریندیاں پئن ،جیں توں خوراک اچ خودکفیل ملک اچ غذائی قلت پیدا تھیندی پئی اے ۔ پاکستانی مندوب اقوام متحدہ دے ادارہ فوڈ اینڈ ایگریکلچر آرگنائزیشن(ایف اے او) دی طرفوں ترقی کیتے غذائی بحراناں توں بچݨ تے خوراک دے نظام دی تبدیلی کوں ودھارا ݙیوݨ کیتے مالی معاونت دی فراہمی دے طریقیں تے منعقدہ ھک مباحثے دے دوران اظہار خیال کریندے ہوئیں آکھیے جو ماحولیاتی تبدیلیاں دے تباہ کن اثرات پاروں اساں گزریل 3سالاں دے دوران کثیر جہتی بحراناں دا سامݨا کریندے پیوں ۔انہاں پاکستان دا کیس پیش کریندے ہوئیں آکھیے جو پاکستان ھک ویلھے اچ غذائی لحاظ نال خودکفیل ہئی ،پاکستان دی افرادی قوت دا 38فیصد زراعت دے شعبے نال وابستہ ہئی تے 22۔2021 دے دوران پاکستان دی جی ڈی پی اچ زرعی شعبے دا حصہ 22.7فیصد ہئی ۔ ماحولیاتی تبدیلیاں پاروں ساݙی پیداواری صلاحیت اچ مسلسل کمی آندی پئی اے ۔پاکستانی مندوب ایں ڳالھ دی نشاندہی کریندے ہوئیں آکھیے جو پاکستان کوں گزریل سال بدترین ماحولیاتی بحراناں اچوں ھک دا سامݨا کرݨا پئے موسم بہار اچ گرمی دی لہر فصلاں دی پیداوار کوں متاثر کیتے، جیں دے بعد موسم گرما اچ بدترین سیلاب پاروں فصلاں تباہ تھی ڳیاں ۔ انہاں آکھیے سیلاب پاروں 4.4 ملین ایکڑ رقبے تے کھڑیاں فصلاں ٻݙ ڳئن تے سیلابی پاݨی کھڑا رہݨ پاروں اڳلے سیزن کیتے فصلاں کاشت نہ تھیوݨ پاروں خوراک اچ خود کفیل ملک اچ غذائی قلت پیدا تھی ڳئی اے ۔
