اسلام آباد۔18اپریل (اے پی پی) وفاقی وزیر مذہبی امور سینیٹرمحمد طلحہ محمود پاکستان اچ سعودی عرب دے سفیر نواف سعید المالکی نال ملاقات کیتی جئیں اچ ݙوہیں ملکاں وچال ݙو پاسہ تعلقات سودھے حج انتظامات دے معاملیاں تے ڳالھ کیتی ڳی۔ منگل کوں وزیرمذہبی امور دا قلمدان سنبھالݨ دے بعد سعودی سفیر نال ملاقات اچ ڳالھ مہاڑ کریندییں ہوئیں سینیٹر طلحہ محمود آکھیا جو نواف سعید المالکی پاکستان دے قابل …
وفاقی وزیر مذہبی امور سینیٹرمحمد طلحہ محمود دی پاکستان اچ سعودی عرب دے سفیر نواف سعید المالکی نال ملاقات
اسلام آباد۔18اپریل (اے پی پی) وفاقی وزیر مذہبی امور سینیٹرمحمد طلحہ محمود پاکستان اچ سعودی عرب دے سفیر نواف سعید المالکی نال ملاقات کیتی جئیں اچ ݙوہیں ملکاں وچال ݙو پاسہ تعلقات سودھے حج انتظامات دے معاملیاں تے ڳالھ کیتی ڳی۔ منگل کوں وزیرمذہبی امور دا قلمدان سنبھالݨ دے بعد سعودی سفیر نال ملاقات اچ ڳالھ مہاڑ کریندییں ہوئیں سینیٹر طلحہ محمود آکھیا جو نواف سعید المالکی پاکستان دے قابل قدر دوست ہن جنہاں ݙوہیں ملکاں دی عوام کوں نیڑے ڳھن آوݨ کیتے اہم کردار ادا کیتے۔ ایں موقع تے سرکاری سکیم دے عازمین حج دی سہولت کیتے روڈ ٹو مکہ پراجیکٹ دی پاکستان دے ٻے شہراں تئیں ودھاوݨ بارے وی ڳالھ کیتی جئیں تے سعودی سفیر نواف سعید المالکی آکھیا جو روڈ ٹو مکہ پراجیکٹ کیتے سعودی اہلکاراں کوں مخصوص ائرپورٹ ٹرمینل 25اپریل کوں حوالے کیتا ویسی۔ سینیٹر طلحہ محمود آکھیا جو مفتی عبدالشکور دے مشن دے تحت پاکستانیاں کوں بہترین حج سہولتاں ݙیوݨ میݙی پہلی ترجیح ہوسی۔
