ساݙے کٹھے رہݨ نال مخالفین دیاں نندریاں حرام تھی ڳن، وزیراعظم دا اتحادی رہنماواں دے اجلاس نال خطاب

اسلام آباد۔18اپریل(اے پی پی)وزیراعظم محمد شہباز شریف آکھیے جو اتحادی حکومت ملک کوں درپیش چیلنجز نال ہک مٹھ تھی تے نمٹݨ کیتے پرعزم اے، ساݙے کٹھے رہݨ نال مخالفین دیاں نندریاں حرام تھی ڳن، آئی ایم ایف نال معاہدے کوں توڑ پچاوݨ کیتے سول اتے فوجی قیادت ودھ کووش کیتی اے۔ اے ڳالھ انہاں اتحادی رہنماواں دے اجلاس نال خطاب کریندے آکھی جو اتحادی مشاورت نال فیصلے کریندن، فیصلے تھپیندے نئیں،س ارے اتحادی نال تھین، اوکھ ٻہوں ہین ٻھل اساں ہک نیک مقصد کیتے کم کریندے پئے ہیں، کابینہ، پارلیمنٹ اتے عدالت عظمیٰ وچال کجھ ہفتیاں توں کڄھ معاملات ہین، عدالت دے فیصلیاں تے حیرت تھیندی اے، اڄ بار کونسلز ساݙے محبت اچ نئیں قانون دی عملداری اتے اینڄھے فیصلے جیندے نال آئین، ضعف اتے عدل دے نظام کوں نقصان پڄ سڳدے ایندے خلاف کھڑیاں تھی ڳن، او سمجھدن جو اے انصاف دے مطابق نئیں۔ وزیراعظم آکھیے جو سیاسی امور تے سارے اتحادیاں کھل تے الائے، اساں ملکی ترقی اچ رکاوٹاں دور کرݨ چاہندے ہیں، ساݙا اتحاد کامیابی اے، ایکون بیا تکڑا کریسوں۔ وزیراعظم آکھیا جو آئی ایم ایف نال معاملات تور پڄݨ آلے ہین، اساں پیساں دی آخری شرط وی پوری کر ݙتی اے، سول اتے عسکری قیادت ہک مٹھ ہین، اساں سارے کٹھے ڄیڑھی ٻیڑے تے چڑھیے ودے ہیں ایکوں ٻںے لیسوں، اللہ دے کرم نال ملکی مشکلات مک ویسن۔