پاکستان سپورٹس بورڈ کنے 42 فیڈریشناں ہن جنہاں کوں مقابلیں کیتے فنڈز ݙتے ویندن ،احسان الرحمن مزاری

اسلام آباد۔19اپریل(اے پی پی) وفاقی وزیر بین الصوبائی رابطہ احسان الرحمن مزاری آکھیے اٹھارویں ترمیم دے بعد کھیݙ صوبائی موضوع اے تاں جو وفاق اچ پاکستان سپورٹس بورڈ  کنے42 فیڈریشناں ہن جنہاں کوں کھیݙاں دے ودھارے کیتے فنڈز ݙتے ویندن ، اساں فیصلہ کیتے جو جیڑھی فیڈریشناں آپݨے متعلقہ کھیݙ اچ چنڳی کاکردگی نہ ݙکھیسن اڳوں انہاں کوں فنڈز نہ ݙتے ویسن ۔ قومی اسمبلی اجلاس اچ سوالاں دے وقفے ویلھے مولانا عبدالاکبرچترالی دے سوال دے جواب اچ آئی پی سی دے وفاقی وزیر احسان الرحمن مزاری آکھیے پاکستان سپورٹس بورڈ کنے 42 فیڈریشناں ہن جنہاں کوں مقابلیں کیتے فنڈز ݙتے ویندن، بدقسمتی نال ہاکی دے کھیݙ دی حالت خراب اے ۔ ہاکی  ٹیم دی کوچنگ کیتے 10ہزار ڈالر ماہوارتے ٻئی مراعات تے غیرملکی کوچ رکھیا ڳیا ہئی مگر ہاکی دا کھیݙ بہتر نہ ہووݨ پاروں اساں انہاں دا کنٹریکٹ نی ودھایا ۔ وجیہہ قمر دے سوال دے جواب اچ وفاقی وزیر آکھیے ہاکی ساݙا قومی کھیݙ اے مگر کرکٹ اچ زیادہ چکاچوند ایں سانڳے ہے جو کرکٹ پیسے دا کھیݙ اے۔ کھیݙ صوبائی موضوع اے۔ اساں کنے مرکز اچ صرف فیڈریشناں رہ ڳئن ۔ قادر خان مندو خیل دے سوال دے جواب اچ وفاقی وزیر احسان مزاری آکھیے اساں ہاکی دے کھیݙ کوں بہتر کرݨ کیتے چنڳاں کوچ گھن آوݨ کیتے کوششاں کریندے پیوں ۔